Festivali "PreshevaWinter Fest" mirëpritet nga rinia lokale (video)
Me qëllim që të ngjallin jetën kulturore në Luginë, një grup studentësh kanë organizuar për herë të parë festivalin dimërorë "PreshevaWinter Fest".Përkundër temperaturave të ulëta, projekti u përkrah nga disa të rinj, ndërkohë që pjesëmarrësit u argëtuan nga prezantimet muzikore të DJ –ve lokal, transmeton Titulli.com.
Musa Ademi, organizatorë, ka falënderuar përkrahësit e “Presheva Winter Fest”.
Pjesëmarrës të festivalit kishte edhe të rinj të nacionaliteteve të tjera, Dragana Millutinoviq ndihej shumë mirë.
"Me sa e di unë, ky organizim bëhet për herë të parë dhe unë njehem shumë mirë", është shprehur ajo.
Për studenten Anita Memeti, ideja është e qëlluar duke pas për bazë rrethanat nëpër të cilat po kalojnë të rinjtë e këtushëm të cilët qëllim kanë ikjen, në mungesë të perspektivës.
“Presheva Winter Fest”, është festivali i parë i këtij lloji i cili mëton të jetë tradicional./Titulli.com/
